Digwyddiadau

Digwyddiad yn cychwyn: 11/03/2024 16:00
Digwyddiad yn gorffen: 11/03/2024 18:00

Gan fod tymor ysgolion haf athletau ar ddod, mae Athletau Cymru’n trefnu cwrs Rhedeg Neidio Taflu ar gyfer Tystysgrif mewn Dysgu Athletau Cynradd i athrawon Cymdeithasau Athletau Ysgolion Cynradd Gorllewin Morgannwg a Dyfed yn Abertawe. Mae hwn yn weithdy delfrydol i athrawon sy’n dymuno cyflwyno athletau yn yr ysgol ac yn allgyrsiol.

Mae’r gweithdy’n llawn awgrymiadau addysgu a syniadau defnyddiol . Mae’n gwrs rhyngweithiol ac ymarferol a bydd pob ymgeisydd yn derbyn Adnodd Addysgu cynhwysfawr sy’n cynnwys:

• Dwy enghraifft o Gynllun Gwaith

• Dau floc o Gynlluniau Gwersi chwe wythnos

• Dros 20 o gardiau Gweithgaredd ar gyfer gweithgareddau rhedeg, neidio a thaflu.

Nod y cwrs hwn yw rhoi’r wybodaeth, y sgiliau a’r hyder i athrawon ac eraill sy’n gweithio mewn ysgolion cynradd allu cyflwyno gwersi rhedeg, neidio a thaflu difyr a diddorol sy’n canolbwyntio ar gymryd rhan yn llawn, ar gynyddu dealltwriaeth a chynyddu’r sgiliau a ddysgir; hyn oll yn seiliedig ar fodelau technegol o ansawdd uchel.

Mae’r cwrs, sy’n seiliedig ar adnodd Cynradd Rhedeg Neidio Taflu, yn dangos dilyniant mewn gweithgareddau rhedeg, neidio a thaflu syml. Mae’n seiliedig ar fethodoleg addysgu cynhwysol, sy’n canolbwyntio ar ddatblygu cymhwysedd i ddefnyddio’r sgiliau athletau penodol y mae eu hangen er mwyn rhedeg, neidio a thaflu, sy’n sylfaen i’r rhan helaethaf o chwaraeon.

Mae’r Adnodd, sydd ar gael AM DDIM i bawb sy’n mynychu, wedi ei gynllunio i roi rhedeg, neidio a thaflu wrth wraidd addysg gorfforol yr ysgol ac i gefnogi athrawon i gyflwyno gweithgareddau athletaidd mewn modd cynhwysol, cyffrous a diddorol. Yn yr adnodd hwn, bydd yr athrawon yn dysgu am y tair Adran Addysgu sy’n canolbwyntio ar y prif gyfnodau datblygu:

• 5 - 7 Oed

• 7 - 9 Oed

• 9 - 12 Oed

Byth athrawon hefyd yn cael gwybodaeth ynglŷn â sut i fesur cynnydd a gwelliant disgyblion a chyfres o gardiau cymorth (gan gynnwys Cardiau Disgyblion, Cardiau Cynhwysiant, Cardiau gwybodaeth am Redeg a Amserir a Rasys Cyfnewid Tîm). Ysgrifennwyd Rhedeg Neidio Taflu i gydymffurfio â gofynion y cwricwlwm yn Lloegr, Gogledd Iwerddon, yr Alban a Chymru.

Hyd Gweithdy: 6 awr

I gael mwy o wybodaeth am Weithdy Rhedeg Neidio Taflu cliciwch yma

Dyddiad: 12fed Ebrill 2019

Dyddiad Cau:  8fed Mawrth 2019 

Pris: £60 y pen (Taliad ar-lein neu dros y ffôn, ffoniwch Zoe Holloway ar 02920 649 849)

Amseroedd: 10:00 - 16:00

Lleoliad: Prifysgol Abertawe

I wneud Cais: e-bostiwch ffurflen gais i andrew.jenkins@welshathletics.org (y cyntaf i’r felin).